ଈଶ୍ବରଙ୍କୁ ଚିଠି

ତୋତେ ସହଜେ ପାରୁନି ବୁଝି

      ତୋର ମାୟାରେ ଯାଉଛି ହଜି

  ଗୀତା ଭାଗବତେ ଖୋଜୁ ଖୋଜୁ ତୋତେ

      ତୋର ଭାବରେ ଯାଉଛି ଭିଜି.....

      ସମୟ ଚାଲେ ତୋ ଇଶାରାରେ

      କାଳ ତୋ କଳାର ପଶରାରେ

       ଆଶା ଭରସାର ବିଶ୍ୱାସରେ

        ରହିଛୁ ସବୁରି ନିଃଶ୍ବାସରେ

      ଭଜନ ଗୀତକୁ ଫୁଲ ଚନ୍ଦନକୁ

        ତୋ ପାଇଁ କରିଛି ପୁଞ୍ଜିରେ

     ତୋତେ ସହଜେ ପାରୁନି ବୁଝିରେ .....

        ଅନୁଭବିର ତୁ ଅନୁଭବ

      ଭାବ ଭକତିରେ ତୋର ଭାବ

       ମହିମା ଭୂମିରୁ ଭୂମା ଯାଏ

       ଶରଧା ଦୟାରୁ କ୍ଷମା ଯାଏ

    ଆଲୁଅରେ ତୋତେ ଦେଖି ହୁଏ ନାହିଁ

       ଉଭା ହେଉ ଦେଲେ ଆଖି ବୁଜି

       ତୋତେ ସହଜେ ପାରୁନି ବୁଝି..