ଦୂରତା

ଦୂରତାର ତାରତମ୍ୟ

ଅବା ସଂକେତ ସଂଯୋଜନାର ଅପାରଗତା

ସିଏ . . . ଅତି ନିଜର

ବେଳ ଗଡିଯାଉଛି . . . . . . 

ଶୁଭେଚ୍ଛା ଜଣାଇବା ପାଇଁ . . . ଜନ୍ମଦିନର 

ଚେଷ୍ଟା . . . ଥରେ, ଦି ଥର, ଅନେକ ଥର . . .

ମୋବାଇଲରେ ନମ୍ବର ଲଗାଉଛି 

ଚାରିପଟେ ଜଙ୍ଗଲ ଏବଂ ପାହାଡ ଘେରା ଗୋଟିଏ ଗାଆଁକୁ

ହେଲେ, ଧ୍ୱନୀ ଶୁଭୁଛି . . . ଆପଣ ଅପହଞ୍ଚ ଦୂରତାରେ ଅଛନ୍ତି ।

----------- * ------------ ** ------------- *** -------------

ହଁ !

ଗୋଟା ପରେ ଗୋଟିଏ ରକେଟ ଛାଡି ଚାଲିଛୁ 

ଉର୍ଦ୍ଧ୍ୱ, ଉର୍ଦ୍ଧ୍ୱ, ଆହୁରି ଉର୍ଦ୍ଧ୍ୱ . . . ଆର ଦୁନିଆକୁ

ହେଲେ . . . ସାଙ୍କେତିକ ଭାଷା

ଦୁର୍ଗମ ପଥକୁ ଭେଦିବା ପାଇଁ ବାଧାବିଘ୍ନ

ସ୍ଥଳ . . . ସ୍ଥୂଳ ଏ ଯାଏଁ ?

ଅପେକ୍ଷା ଆସନ୍ତା କାଲିର ଵିଜ୍ଞାନକୁ ।

ହେଉ . . .

କଥା ହେଇ ପାରିଲି ନାହିଁ . . .

ନ ହେଉ . . .

ଉପାୟ . . . ଏସ୍.ଏମ୍.ଏସ୍.ଟିଏ କରି ଦିଏ

ଆଡଜଷ୍ଟର ଭାଷା

ତ୍ୱରିତ କରିବ ସରି ସରିର ସାହିତ୍ୟକୁ