ଦୁହିତା ଆମେ ଜଗତ ଜିତା

    

     

    ଫୁଲ କଳି ଆମେ ମଣିମୁକୁତା

    ଲୋଡା ଆମ ପାଇଁ ସ୍ନେହ ମମତା

    ଆଦର ପାଇଲେ ହୋଇବୁ ଆମେରେ

    ଜଗତ ଜିତା ତ ଜଗତ ଜିତା

    ଆମେରେ ଦୁହିତା ଜଗତ ଜିତା।

     ରଙ୍ଗରେ ରଙ୍ଗେଇ ଦେବୁ ସାରା ଦୁନିଆ

     ଲେଖି ଲେଖି ଯିବୁ ଆମେ କାହାଣୀ ନୂଆ

     ଦିଗ ଚଉଦିଗ ଯିବୁ ମହକ ବୁଣି

     ସବୁରି ମନକୁ ଆମେ ନେବୁରେ କିଣି

         ଝରିଝରି ଯିବୁ ଝରଣା ପରି ତ

        ବାଣ୍ଟି ବାଣ୍ଟି ଯିବୁ ନୂଆ ବାରତା

        ଆମେରେ ଦୁହିତା ଜଗତ ଜିତା।

      ମାଟିରୁ ଆକାଶ ଯାଏ ବୁଣିବୁ ହସ

      ହସିବରେ ଗାଁ ଆମ ହସିବ ଦେଶ

      ଆମ ଯଶ ଗଉରବ ଗରବ ଗାଥା

      ଯୁଗଯୁଗ ପାଇଁ ପରା ରହିବ କଥା 

   ଆଦର ଯତନ ଶରଧା ପାଇଲେ

      ହୋଇବୁ ଆମେରେ ସବୁରି ହିତା 

     ଆମେରେ ଦୁହିତା ଜଗତ ଜିତା।