ଧରାକୁ ଆସିଛି ଶରତ

ଶ୍ରାବଣ ସରିଛି ଭୋଦୁଅ ପଶିଛି

ଧରାକୁ ଆସିଛି ଶରତ

ସବୁଜିମା ଭରା ବିଲ ବଣ ପାଟ

ନିଆରା ଲାଗୁଛି ମରତ ।

ନଈ ଦାଢେ ଦାଢେ କାଶତଣ୍ଡି ଫୁଲ

ଦିଶୁଅଛି ଭାରି ସୁନ୍ଦର

କେଡେ ସରାଗରେ ସ୍ୱାଗତ କରୁଛି

ହଲେଇ ଆଲଟ ଚାମର ।

ବାରି ଗାଡିଆରେ ଫୁଟିଛି ପଦୁଅଁ

ଫୁଟିଅଛି ନାଲି କଇଁରେ

କେତକୀ ମାଳତୀ ରଙ୍ଗଣୀ ହସନ୍ତି

ସଂଜ ଯେବେ ଆସେ ନଇଁରେ ।

ଜହ୍ନିଫୁଲ ବାସେ ମହମହ ହୋଇ

ତା ସାଥେ କାକୁଡ଼ି କଷିରେ

ଅଶିଣ ଆକାଶେ ରୂପା ଥାଳି ପରି

ଖିଲି ଖିଲି ହସେ ଶଶୀରେ ।

ନୀଳ ନିରିମଳ ପାହାନ୍ତା ପହରେ

ତାରା କେଡେ ତୋରା ଦିଶୁଛି

କାକର ଟୋପାଟି ଘାସ ଫୁଲ ସାଥେ

ବଉଳ ଆସିକି ବସିଛି ।

ଶରତ ଆସିଛି ମରତକୁ ଵୁଲି

ପାରବଣ ବାଜା ବାଜେରେ

ଗହଳ ଚହଳ ଗାଆଁଠୁ ସହର

ଆସିଗଲା ପରା ପୂଜାରେ ।

ପ୍ରକାଶ କୁମାର ଚାନ୍ଦ

ଜୟପୁର ଶାସନ ପିପିଲି ପୁରୀ

ମୋ.୯୮୫୩୩୫୪୯୩୮