ବନ୍ଧୁତା

ଜୀବନ ମରୁର ମରୂ ଉଦ୍ୟାନ ସେ

ଅନ୍ଧାରେ ଅଲୋକ ଧାରା

ଶୁଷ୍କ ବୈଶାଖର ଆକାଶରେ ଢାଳେ

ଶ୍ରାବଣର ବାରି ଧାରା--୧

ଅଶାନ୍ତ ମନରେ ଶାନ୍ତ ଘନ ଛାୟା

ସବୁଜିମା ଶୀତଳତା

ଥକା ଜୀବନରେ ସୁଶୀତଳ ନୀର

କୁସୁମିତ ମଧୁରତା--୨

ରକ୍ତର ସଂର୍ପକ ନୁହେଁ ଏତ ଭାଇ

ଆମ ହାତ ଗଢା କଥା 

ବାଟ ଚାଲୁ ଚାଲୁ ଜୀବନପଥରେ

ଗଢିଛୁ ଆମେ ବନ୍ଧୁତା--୩

ଏକାଠି ଖାଇଛୁ ଏକାଠି ଶୋଇଛୁ

କାଟିଛୁ ଦିନ ସାଥୀରେ

କେତେ ହୋଲି ଆଉ ଦୀବାଲି ରାତିରେ

ରହିଛୁ ଆମେ ପାଖରେ--୪

ପିଲା ଦିନ ସାଂଗ କବାଡି ଖେଳର

ସାଥୀ ମୋର ହୃଦୟର

ଆମ ଏ ବଂଧୁତା ଜନ୍ମ ଜନ୍ମାନ୍ତର

ନାହିଁ ତାର ପଟାନ୍ତର--୫