ବିରାଜୁ ମହୀରେ ଶାନ୍ତି
ବିରାଜୁ ମହୀରେ ଶାନ୍ତି
1 min
144
ବିଦାୟୀ ବରଷ ଆଣିଥିଲା ସାଥେ
ଅସୁମାରି ଅନୁଭୂତି ,
ଦେଇଥିଲା କେବେ ମଳୟ ପରଶ
କେବେ ବଇଶାଖୀ ତାତି।
କେବେ ଆଣିଥିଲା ଶିଶିର ମୁକୁତା
କେବେ ବରଷାର ଗୀତି,
କେବେ ଲୁହ ପୁଣି କେବେ ଦେଲା ହସ
ଅପାସୋରା କେତେ ସ୍ମୃତି ।
ଆସୁ ନବବର୍ଷ ଦେଉ ଦିବ୍ୟସ୍ପର୍ଶ
ପ୍ରତି ଓଠୁ ସୁଧାଝରୁ,
ସ୍ୱପ୍ନ ସମ୍ଭାବନା ଆଶା ଉଦ୍ଦୀପନା
ପ୍ରାଣରେ ପୁଲକ ଭରୁ ।
ନବ ବରଷର କାମନା ମୋହର
ବିରାଜୁ ମହୀରେ ଶାନ୍ତି,
ସକଳ ପରାଣ ହେଉ ପୁଲକିତ
ଗାଇ ସୌହାର୍ଦ୍ଦ୍ୟର ଗୀତି ।