ଭରଚୁଆଲ୍ ବାହାଘର
ଭରଚୁଆଲ୍ ବାହାଘର
1 min
510
କରୋନା ଡରରେ ସବୁ କଟକଣା
ପୋଲିସି ବାବୁଙ୍କୁ ଡର
ଆଡମ୍ବର କଲେ ଚଢାଉ କରିସେ
କରିଦେବେ ଥରହର ।
ମତୁଆଲା ହୋଇ ବରଯାତ୍ରୀ ମାନେ
ପାରୁତ ନାହାନ୍ତି ନାଚି
ଅମାନିଆ ହେଲେ ହାଜତେ ପସିବ
ଖାକିବାଲା ଦେବେ ଛେଚି ।
ସେଇ ଡରେ ଏବେ ହେଉଅଛି ପରା
ଭରଚୁଆଲ୍ ବାହାଘର
ବର କନିଆଁ ଙ୍କୁ ଯୋଡିଦେବା ପାଇଁ
ଅଭିନବ ଉପଚାର ।
ବାଜା ବାଜୁନାହିଁ ମହୁରୀ ବାଜୁନି
ଫୁଟୁନି ଗଡମା ବାଣ
ଭିଡିଓ କଲ୍ ରେ ବନ୍ଧୁ ନିମନ୍ତ୍ରଣ
ହେଉ ନାହିଁ ପ୍ରସେସନ ।
ବର କନିଆଙ୍କ ମାଳ ଦିଆନିଆ
ନିରୋଳା ଜାଗାରେ କାହିଁ
ନନା ତ କରନ୍ତି ମନ୍ତ୍ର ଉଚ୍ଚାରଣ
ମନ୍ଦିର ରେ ତାଙ୍କ ରହି ।
ଇଣ୍ଟରନେଟରେ ଯୋଡା ଯୋଡି ସବୁ
ଆଶୀର୍ବାଦ ଦିଆଦେଇ
କରୋନା ଡରରେ ଭରଚୁଆଲ୍ ସବୁ
ଟିଭିକୁ ବସିଥା ଚାହିଁ ।