ଭୋକ

ସହିହୁଏନାହିଁ ପେଟର ଭୋକ

ଅନୁଭବୀ ଏକା ବୁଝେସେ ଦୁଃଖ।

ଭୋକହେଲେ ସବୁ ଅନ୍ଧାର ଦିଶେ

ଭୋକହେଲେ ପାଦ ଅବାଟେ ଖସେ ।

ଭୋକହେଲେ ରାଗ ଯାଏରେ ଚଢି

ରକ୍ତଚାପ ପୁଣି ଯାଏରେ ବଢି ।

ଭୋକିଲା ମଣିଷ କରଇ ପାପ

ଅବୁଝାଙ୍କୁ ସବୁ ଲାଗଇ ଗପ ।

ଭୋକ ଦାଉ ଲୋକେ ନପାରି ସହି

ଦାଦନ ଯାଆନ୍ତି ଖଟିବା ପାଇଁ ।

ଅଜଣା ରାଇଜ ଅଚିହ୍ନା ଲୋକ

ଖଟି ଖଟି ସେଠି ହୁଅନ୍ତି ମୁକ ।

ମୁହଁ ଖୋଲିଲେ ତ କୋରଡା ବସେ

ଭୋକ ପାଇଁ ସବୁ ଅନ୍ଧାର ଦିଶେ ।

ଭୋକ ବୁଝେନାହିଁ ମାନ ସମ୍ମାନ

ଭୋକରେ ମଣିଷ ହୁଏ ଅଜ୍ଞାନ ।

ଭୋକ ପାଇଁ କେତେ ଭୁଲନ୍ତି ବାଟ

ଚୋର କିଏ ହୁଏ କିଏ ବା ଖଣ୍ଟ ।

ଭୋକ ପାଇଁ କିଏ ପିଲାକୁ ବିକେ

ଭୋକ ପାଇଁ କିଏ ସଭିଙ୍କୁ ଠକେ ।

ପେଟ ପାଇଁ ଏଠି ଚାଲିଛି ନାଟ

ଭୋକିଲା ମଣିଷ ମାରଇ ଚୋଟ ।