ବୈଧବ୍ୟ
ବୈଧବ୍ୟ
1 min
212
ଧଳା ଲୁଗା,
ଲଙ୍ଗଳା ହାତ,
ଶୂନ୍ୟ କପୋଳ....
ଏଇ ତକ ଆଙ୍କି ପାରିଲେ
ଆଙ୍କି ହୋଇଯାଏ ଚରିତ୍ରଟିଏ
ସଂସାର ଯାହାକୁ ବିଧବା କହେ ।
ଦୁଇଟି ସଜଳ ଚକ୍ଷୁ,
ଚୁରମାର୍ ମେଞ୍ଚାଏ ସ୍ବପ୍ନ,
ଗୋଟେଇ ହେଉନଥିବା ମନ,
ଦୋହଲି ଯାଉଥିବା ବିଶ୍ୱାସ,
ନିଆଶ୍ରି କୁଟାଖିଅ ପରି ଭାସି ଚାଲିଥିବା ଜୀବନ.....
ଏଇତକ ବୋଧେ ବୈଧବ୍ୟ ର ଚିହ୍ନ !
କିନ୍ତୁ ବୈଧବ୍ୟ ଲାଗି
ବିଧବା ହେବା ଜରୁରୀ ତ ନୁହେଁ !
ଶଙ୍ଖା, ସିନ୍ଦୂର,ଅଳତା,କଜଳ ଆଢ଼ୁଆଳରେ
ଗୁମୁରୁଥାଏ ଅଭାଗିନୀ,
ଯେତେବେଳେ......
ସ୍ବାମୀ ବୋଲାଉଥିବା ମଣିଷଟି
ସୀତା ପରି ସୁନ୍ଦର
ମୃତ୍ୟୁ ପଛେ ଧାଏଁ ।
************
ଦୀପ୍ତିମୟୀ ବିଶ୍ବାଳ
ବାଜି ରାଉତ ଛାତ୍ରାବାସ,
ଅନୁଗୋଳ ।