DILIP KUMAR SAHOO

Others


4.7  

DILIP KUMAR SAHOO

Others


ଅନୁତାପ

ଅନୁତାପ

1 min 286 1 min 286


ଭୁଲ୍ କରି ଯଦି ଅନୁତାପ କଲ

ସେତ ଅଟେ ବଡପଣ

ଅନୁତାପ କରି ଭୁଲ୍ କଲେ ପୁଣି

ଅମଣିଷପଣ ଜାଣ ।


ଅବୁଝା ମଣିଷ ବୁଝନ୍ତିନି ଜମା

ଭୁଲ୍ ରହିଗଲା କାହିଁ

 ସେଥିପାଇଁ ତାଙ୍କ ଜାତକରେ ଜମା

 ଅନୁତାପ ଲେଖା ନାହିଁ ।


 କିଛି ଲୋକଙ୍କର ଅମାନିଆ ପଣ

 ଭୁଲ୍ ର ନଥାଏ ଶେଷ

 ଅନୁତାପ ସିଏ କରିବେ ବା କିଆଁ

 ମାନନ୍ତିନି ନିଜ ଦୋଷ ।


 ଛୋଟିଆ ଭୁଲ୍ ବି ଝଡ ସୃଷ୍ଟି କରେ

 ସମ୍ପର୍କ ଯାଏରେ ତୁଟି

 ଅନୁତାପ କରି ହାତ ମିଶାଇଲେ

 ହୃଦୟକୁ ହୁଏ ଜିତି ।


 ଅନୁତାପ କଲେ ଦୋଷ ମାନିଗଲେ

 ସମ୍ମାନ ହୁଏନି ଉଣା

 ନିଜେତ ନିଜକୁ ସୁଧାରି ପାରିଲେ

 ବାଟ ହେବ ନାହିଁ ବଣା ।


 ମଣିଷ ମାତ୍ରକେ ଭୁଲ୍ ତୃଟି ଅଛି

 କଥାଟି ମନରେ ହେଜି

 ଅନୁତାପ କଲେ ଅଶାନ୍ତିରୁ ମୁକ୍ତି

 ସୁଖ ତ ଯିବନି ହଜି ।

  


  

 

 



Rate this content
Log in