ଆମେ ତ ଭାଗ୍ୟବାନ ପିଲାରେ

ବାସୁଦେବ ନାୟକ

ଆମେ ତ ଭାଗ୍ୟବାନ ପିଲାରେ

ଆଉ କେ ଆମ ପରି ଥିଲାରେ l

ବଣ ଜଙ୍ଗଲ ସଫା କରିଲୁ

ମୁହଁରେ ମାସ୍କ୍ ପିନ୍ଧି ବୁଲିଲୁ ॥

ପ୍ଲାଷ୍ଟିକ୍ ଅଣ୍ଡା ଏବେ ମିଳୁଛି

ଫାଷ୍ଟ୍ ଫୁଡ୍ ରେ ଦିନ ଚଳୁଛି l

ହାଇବ୍ରିଡ଼୍ ଜୀବନ ବ୍ୟବସ୍ଥା

ଜୀଉଁ ଆବାଳ ବୃଦ୍ଧ ବନିତା ॥

ପାଣି ପବନ ବିକା ହେଲାଣି

ମଙ୍ଗଲ ଗ୍ରହେ ହେବ ରହଣୀ l

ବହି ପଢିବା ନାହିଁ ଦର୍କାର

ଲାପ୍ ଟପ୍ ଦେଉଛି ସରକାର ॥

ଅନ୍ ଲାଇନ୍ ଏବେ ସବୁଠି

ଡିଜିଟାଲ୍ ଦୁନିଆ ଆମଠି l

ଛଅ ଫୁଟ ଦେହ ପାଇଁ ଦୁଇ ଫୁଟ

କପଡା ଆମ ପାଇଁ ଯଥେଷ୍ଟ ॥

ଦେଖିଲେ ଗୁରୁଜନ ଆମକୁ

ଚାଲିଯାଆନ୍ତି ପୋତି ମୁହଁକୁ l

କଥା କଥାକେ ହେଉ ଉଦଣ୍ଡ

ତାଡି ଦେବୁ ଯେମିତି ବ୍ରହ୍ମାଣ୍ଡ ॥

ଭଲ ମନ୍ଦ ବିଚାର ଭାବନା

ନାହିଁ ଆମର ତିଳେ ଶୋଚନା l

ସିଝେନା ଝଡାଟିଏ ହାତରେ

ଫୁଟାଣି ମାରିଥାଉ ହଜାରେ ॥