म्हातारपणातलं तरुण प्रेम

म्हातारं तर आपलं शरीर होत असतं   

सुरकुत्या चेहऱ्यावर दिसतात बोलक्या  

प्रेमावर कसला आलाय वयाचा शिक्का 

हृदयात अजूनही स्थान कायम काळजीचं 

सरत्या वात्सल्याचं मायबाप एकमेकांचं  

जुने दिवस आठवून खळखळून हसण्यात 

रोमँटिक गाण्यावर तारुण्य डोलण्यात 

निखळ प्रेम आजारपणातल्या सुश्रूतेत

एकदुसऱ्याचा एकटेपणा घालवण्यात

रागाच्या उद्रेकाचा कानोसा आधीच घेण्यात  

नि मुकाट्याने राग बोल ऐकत राहण्यात  

कुणाविना सहखुशीत एकमेका जपण्यात

काळजातली भेग आधाराच्या काठीत 

आनंद जगण्यातला एकमेकांच्या डोळ्यात 

दिवसेंदिवस वाट सुखातली न्याहाळण्यात 

डोळ्यातल्या अश्रूंचं आनंदवन करण्यात 

म्हातारपणातलं अधासी जिवंत तरुण असं प्रेम