विषय-श्रमाचे महत्त्व ( शिर्षक-

जाऊ सफलतेच्या गावा ,

खाऊ तेव्हा कष्टाचा मेवा .

नको थकूस तू कधीच ,

सतत काम कर भावा .

जीवन हे क्षणभंगुर ,

तरी लागतंय राबायला .

स्वावलंबनाच्या जोडीने ,

लागू जीवन फुलवायला .

क्रियाशीलता येईल अंगी ,

कर हालचाल अवयवांची .

कष्टाचे मोल समजून घे ,

चांदी होईल आयुष्याची .

कष्टकरी बाप सर्वांचा ,

पोशिंदा तो उभ्या जगाचा .

सलाम करुन त्यांच्या जीवनाला ,

पाया घालून तू यशस्वीतेचा .

स्वकष्टाची चवच न्यारी ,

परावलंबीत्व म्हणजे मरणे .

सोडून तू लाग कामाला ,

झूगारुन लाचार जगणे .