वडील

            वडील म्हणजे एक मोठा आधार असतो 

             सावली देणाऱ्या वटवृक्षासारखा भासतो .             रागवला तरी प्रेमाने जवळ घेणारा तो बाप असतो . 

मुलांच्या झालेल्या कौतुकाने तो  मनातून सुखावतो .

मुलांच्या हट्टासाठी तो काहीही करायला तयार असतो .

                  वडील म्हणजे एक मोठा आधार असतो .

यशस्वी मुलाच्या नावाने ओळख अभिमानाने मिरवतो .

मुलाच्या अपयशाच्या वेळी नेहमी ठामपणे उभा असतो .

निराशेतुन काढण्यासाठी त्याचा हात नेहमी पुढे असतो .

                    वडील म्हणजे एक मोठा आधार असतो .

लहानपणी आपल्या लेकीचे प्रेमाने कोडकौतुक करतो .

लेकीच्या लग्नामधे तो आपले अश्रू लपवत असतो .

पण लेक सुखात राहावी म्हणुन सतत झटत असतो .

                    वडील म्हणजे एक मोठा आधार असतो .

सासरी जाणाऱ्या लेकीचा वडील एक अभिमान असतो .

 प्रेमाने तीची चौकशी करणारा काळजीवाहक असतो.

तीच्या डोळ्यात अश्रू येऊ नये म्हणुन प्रयत्नशील असतो                       वडील म्हणजे एक मोठा आधार असतो .

मुल वाईट निघाले तर त्याच्यासारखा दुखी कुणी नसतो .

म्हातारपणी त्याला केवळ मुलांचा आसरा हवा असतो .

प्रेमाचे दोन बोल , व मुलांचा सहवास हवा असतो .

                      वडील म्हणजे एक मोठा आधार असतो .

                       सावली देणाऱ्या वटवृक्षासारखा भासतो