वैशाखाच्या ऊन्हामध्ये

लागे  ग्रीष्माची चाहूल 

आग  भास्कर ओकतो |

वैशाखाच्या ऊन्हामध्ये

जीव  माझा  लहाकतो ||१||

पारा  चढला   सूर्याचा

झाला मन हा व्याकुळ |

वैशाखाच्या ऊन्हामध्ये 

होतो   जीव   मळमळ ||२||

तापलेल्या    किरणाने

बसे   चटके  या  अंगा |

वैशाखाच्या ऊन्हामध्ये

वाहे घामाच्या या गंगा ||३||

भुमी    तापते   खुपच

आग  होते या पायाची |

वैशाखाच्या ऊन्हामध्ये

लाही होते या जीवाची ||४||

घसा   पडला   कोरडा

लागे  तहान  या जीवा |

वैशाखाच्या ऊन्हामध्ये

थंड पिण्यासाठी  हवा ||५||