थोर भिमराय

थोर भीमराय |कष्टच सोसले|

खूप ही शिकले | रात्रंदिन ||१||

अठरा तास ही | अभ्यास हो केला |

महामेरू झाला | शिक्षणाचा ||२||

संविधान मोठे | साऱ्याही जगात |

असे भारतात | लिहिलेले ||३||

ज्ञानिवंत थोर | गुणी भीमराय |

होते शिवराय | आदर्श ते ||४||

महात्मा फुले ही | होते गुरु त्यांचे |

वेड शिक्षणाचे | जाणिलेले ||५||

सारी विषमता |दूर पळविली |

जागृतीही केली | समाजात ||६||

वाघिणीचे दूध | करूनी प्राशन |

तयार शासन | केली तुम्ही ||७||

तुम्हांमुळे आज | शिकतात मुले |

मोफत शिकले | बहुजन ||८||

गंध शिक्षणाचा | मिळाला सर्वाँना |

सा-याच मुलांना | तुम्हांमुळे ||९||

सक्तीचे शिक्षण | आणलात तुम्ही |

शिक्षणाची हमी | आज मिळे ||१०||

अनेक पदव्या | घेतल्या शिरी |

खूप त्याग करी | तयासाठी ||११||

खस्ता खाल्ल्या खूप | जिवनाचं सोनं |

कार्य हो महान | भीमबाबा ||१२||

अन्यायाचा राग | होती खूप चीड|

बोल सडेतोड | प्रतीकार || १३||

प्रणाम करते थोर | भीमराया |

पडते मी पाया | मिनुताई....||१४||