"थोड्याच वेळात ......"
"थोड्याच वेळात ......"
1 min
1.4K
मावळतीचा रक्तकेशरी सूर्य विलीन होईल
दिगंतात थोड्याच वेळात
तिमिरात मग राज्य असेल शितल त्या चंद्राचे
पंचप्राण ओवाळतील त्यावर असंख्य धुंद तारका थोड्याच वेळात
आकाशाच्या पूर्व किना-यावर हळूच एक लकेर
उमटेल सप्तरंगी धुंद किरणांची आणि प्रसूत होईल
एक नवी पहाट थोड्याच वेळात
तेव्हा प्रिये, सुखाच्या या शवावर उगाच अश्रु ढाळीत बसू नकोस,
स्वत:तच जन्म घे पुन्हा एकदा कारण, हा जन्म ही आता संपणार आहे थोड्याच वेळात