"माझी कविता"
"माझी कविता"
1 min
8.4K
माझ्या कवितेवर मला, विचार करावा वाटतो |
जास्त नाही पण थोडा, थोडा करावा वाटतो ||
मी भावना लिहावया, शब्दांचा पसारा मांडला |
आता जरा जरासा, तोल सावरावा वाटतो ||
आहे अशी ती मुक्त, न कळे अलंकार नि वृत्त |
आता मला तिचाही श्रृंगार करावा वाटतो ||
तिने प्रसविले मला, एका नव्याच विश्वात |
तिच्या प्रसूतिचा आता, सोहळा करावा वाटतो ||
तिच्यामुळेच होते, कौतुक इथे माझे |
आता मला तिचाही, सत्कार करावा वाटतो ||
जास्त नाही पण थोडा, थोडा करावा वाटतो ||
माझ्या कवितेवर मला विचार करावा वाटतो ||