स्वप्नातील जग
स्वप्नातील जग
1 min
714
चित्रं उद्याच काढून मनात
रंग भरायला विसरलास ना
सांग मला नेहमीप्रमाणेच
स्वतःला आठवायला विसरलास ना |
घनदाट जंगलातील तळ्यात एका
चुकूनच स्वतःला पाहिलंयस ना
पाहता पाहता तिला सुद्धा
स्वतःमध्ये जाणवलायस ना |
दिसतंय तुझ्या डोळ्यांतला सुख
हळूच डोळे आता मिटतोयस ना
कशाला उगाच ओठांवर हसू
सांग तिचा च हसू शोधतोयस ना |
बहाणे आता पुरे झाले
प्रतिबिंब विस्कळीत झाले
चित्रंसुद्धा पुसट होतंय
जरा आता डोळे उघडून बघ |
नव्याने सुरुवात करून पुन्हा
स्वप्नातील जग विसरून जग ||