स्वातंत्र्य दिन १५ ऑगस्ट

बेडी ना पारतंत्र्याची     

रक्तरंजित ही क्रांती         

स्वातंत्र्याची ही महती       

कृपा हो आम्हांवरती ll१ll  

नतमस्तक भूमीला         

शहीद झाले जवान       

हरवुनिया शत्रूला            

मुक्त केला हिंदुस्थान ll२ll     

राखा तिरंग्याचा मान      

बाळगुनी अभिमान      

देशास्तव व्हा कुर्बान         

जगी वाढवुनी शान ll३ll       

अमृत महोत्सव हा           

बांधू मांगल्य तोरण      

अखंडतेचा हा घोष      

विकासाचे हो धोरण ll४ll    

समस्त भारतीयांचा        

असे सण उत्साहाचा        

तिरंगी राष्ट्रध्वजाची       

राष्ट्रनिष्ठा जपण्याचा ll५ll        

नां संपली व्हा सजग          

रात्र वैऱ्याची अजूनी        

सतर्क राहू सर्वांनी           

लावा शत्रू पळवूनी ll६ll