सोळावं वय

सोळाव्या वयाच्या मी उंबऱ्यावरी

धडकी भरु लागली या उरी

बेभान झाल्यात पाखरं सारी

पाहून ज्वानीची माझ्या उभारी llधृll

येता जाता चोरुन पहाती

कोणी असा डोळा मारती

किती जपावं तरी माझी कांती

यौवन खुले मज वाटे भीती

नेसले राया पैठणी मी भारी,नाचरा मोर हो पदरावरी

बेभान झाल्यात पाखरं सारी, पाहून ज्वानीची माझ्या

उभारी. ll१ll

पाहून घाली कौणी शीळ

राया बसवावा कसा हो मेळ

तुम्हासाठिच जीव तळमळ

सोसंना मला हो आता कळ

दारावरी चकरा मारी,जीव राही ना माझा थारी

बेभान झाल्यात पाखरं सारी,पाहून‌ ज्वानीची माझ्या उभारी ll२ll

पिरत राया माझी तुम्हा वरी

दुरुनच मॅसेज काहो करी...

याव राया तुम्ही आता सत्वरी

वाट पाही मी उभी राहून दारी,

तुम्हा साठीच माझा जीव हा‌ झुरी,लग्नाची करु तयारी

बेभान झाल्यात पाखरं सारी, पाहून ज्वानीची माझ्या उभारी ll३ll