संविधान

संविधान लिहिल्यावर, वदला ज्ञान सागर

जरी हीन लेखिले, रूढीने आम्हा निरंतर

भीमाने तारिले सत्वर ...संविधान || धृ ||

 भीमरायाच्या विद्वतेला जाणून घे

घोषित केले संविधान ते वाचून घे

गर्जले तेव्हा भीमराव, भारतीय मी राहणार

भीमाने तारिले सत्वर ...संविधान || १ ||

 माणसाच्या हक्काला  समोर ठेवूनी

धर्म निरपेक्ष लोकशाही दिली भीमानी

न्याय, स्वातंत्र्य, समानता, बंधुता खांब ते चार

भीमाने तारिले सत्वर ...संविधान || २ ||

 दिन तो नोव्हेंबर सव्वीस एकोणपन्नास

अर्पिले संविधान बाबाने भारत राष्ट्रास

कलम प्रतापी भीमाचा, लोकसभेत स्वीकार

भीमाने तारिले सत्वर ...संविधान || ३ ||

 संघराज्य नागरिकत्व मुलभूत हक्क

तत्वप्रणाली धोरणांची, न्यायाचा हक्क

खडानखडा गठित कर्तव्य न्याय सरकार

भीमाने तारिले सत्वर ...संविधान || ४ ||

पात्र अपात्र नमूद असे संविधानात

वित्तीय सामाजिक अधिकार त्यात

न्यायालयाचे कर्तव्य तो आयोग स्वीकार

भीमाने तारिले सत्वर ...संविधान || ५ ||

कायदा भिमाचा सर्वा वागण्या समान

उच्च नीच भेद विसरूनी करा मतदान

कामगारांचा कायदा केला वेतन करार

भीमाने तारिले सत्वर ...संविधान || ६ ||

देश रक्षणा तजवीज ती संविधानात

शेतकरी हा जगला तर प्रगती देशात

अपराध्याला नाहीच क्षमा कायदा प्रखर

भीमाने तारिले सत्वर ...संविधान || ७ ||