रक्षाबंधन

भाऊ-बहिणीचे अतूट प्रेम

रक्षाबंधनाचा सण

करा रक्षण सर्व बहिणींचे

देतो इतिहासाचे स्मरण-१

येता श्रावण पौर्णिमा

आनंद होतो बहिणीला

आठवण येते भावाची

जाते ती माहेराला-२

कपाळी लावते टिळा

ओवाळीते बहिण-भावाला

धागा बांधते प्रेमाचा

दीर्घ आयुष्य इच्छिते त्याला-३

असो राखी कुठल्याही प्रकारची

असते प्रेमभावना महत्वाची

भावाला जाणीव करून देते

जबाबदारीच्या भावनेची-४

होवो उत्कर्ष भावाचा

राहू दे असाच गोडवा

प्रार्थना करते रक्षाबंधन निमित्ताने

असाच नातेसंबंध टिकावा-५