ओढ पावसाची

पक्षाला विचारा

किती ओढ पावसाची

त्याला नाही

तोड कशाची-१

बळीराजाला विचारावे

किती ओढ पावसाची

शेती ,उदरनिर्वाहासाठी

त्याला गरज असते पावसाची-२

मजुरांना विचारावे

किती ओढ पावसाची

शेतीवरच पोटे भरतात

शेतमजुरांची-३

पशुपालन कर्त्यांना विचारावे

 किती ओढ पावसाची 

गुरांच्या चाऱ्यासाठी ,व्यवसायासाठी

गरज असते पावसाची -४

पावसाविना करपते पिक ज्यांचे

गरज असते पाण्याच्या थेंबांची 

त्या कोरडवाहू शेतकऱ्यांना विचारावे

किती ओढ पावसाची-५

पाऊस येताच मोर नाचतो थुईथुई

शेतकऱ्यांनाही उकळी फुटते आनंदाची

सारी सृष्टीच फुलते ,होते नवलाई

त्या वेळेला वाटते किती महत्वाची ओढ पावसाची-६