रेशिमधागे

नातं रक्ताच प्रेमाच

आपण बहीण भाऊ,

एकमेका सोडून कधी

खाल्ला नाही खाऊ !

आपण दोघे मिळून

किती खेळ खेळलो,

एकमेका वाचून रे

नाही कधी राहिलो !

जग रितं न्यारी

लग्न माझे झाले,

तुला सोडून रे भाऊ

मी दूर सासरी आले !

एक क्षणही नाही असा

तुझी आठवण आली,

सांगू तरी क़ोणाला

रोज उशी ओली !

आला ओला श्रावण

राखीचा सण घेऊन,

राखी पाठवली तुला

घे प्रेमाने बांधून !

भाऊ तुझे माझे

असे अतुट हे नाते,

खात्री आहे प्रेमाची रे

म्हणूनच राखी देते!

नाजूक रेशमी धाग्यात

केवढी ताकद असते,

सुखी ठेव भाऊराया

एवढंच देवाला मागते!