राजमाता जिजाऊ

राज्य कसे उभारावे

सांगे जिजाबाई भारी

स्वराज्याची जननी ती

झाली जगण्याची वारी

जन माणसांची मने

ओळखली तिने खास 

बाळ शिवबाला दिली

छान संस्काराची कास

माय माऊली होऊनी

शूरवीर घडविले

धैर्य शौर्याचे कसब

मावळ्यांना शिकविले

तार गनिमी काव्याची 

शिकविली जगी भारी

तेजपुंज स्वराज्याची

अनमोल झाली नारी 

जिद्द चिकाटीचे बळ

पावलोपावली पाहे

इतिहासातील पान

सदा अखंडीत वाहे

जाणीवेची कर्तव्याची 

जाण शिवबाला दिली

परस्त्रीला सन्मानाने 

चोळी बांगडी ती दिली 

ऊर्जा स्वराज्याची थोर

राजमाता जिजाबाई

अनमोल रत्नांची तू

एकमेव झाली माई