लाइब्रेरी
प्रोफाइल
परतीचा प्रवास
परतीचा प्रवास
1 min
12K
दिवसभर तळपत राहिला
अन् सायंकाळी निघाला परतीच्या प्रवासाला
निरभ्र आकाशी रंगीबेरंगी छटा झळकुन
जणू बेरंगी चित्रांमध्ये रंग भरून
वास्तवाचे चटके सहन करण्याची क्षमता देऊन
चटक्यांवर स्नेहाची फुंकर ही घालून
पाखरांना घरट्याची वाट दावून
प्रकाशाचा विरह हसत हसत सहन करून
तीमिराशी गट्टी करून धडे गिरवून जगण्याचे
त्याचा निश्चय दृढ करून
तो निघाला परतीच्या प्रवासाला निरोप घेऊन
पुन्हा सोनेरी पहाट उजाडायला
नव्याने आशेची किरणे घेऊन
पुन्हा जगण्यासाठी...परतण्यासाठी...
