पार्वती नंदन - श्री गणेश

पार्वती नंदना श्री गणेशा

अगाध तुझ्या लीला

मी अश्विनी आले तुज

काव्य-पुष्प वाहायला॥

तू विद्यादाता, तू करुणासिंधु,

गणाधीश तू, तू कृपाकर्ता,

आशिष द्यावे मजला,

दूर व्हावी मूढता॥

तू भक्त-रक्षक, तू विघ्नहर्ता, 

तू सुखकर्ता, तू दुःख-हर्ता

सर्व संकटातून तू तार मज सत्वर

मजवरी असो सदा कृपेची पाखर॥

विद्येचे दान तू दे

सद्बुद्धी मजला लाभू दे

धन-धान्य लाभो, अंती मोक्ष मिळो

तुझ्या आशीर्वादाने जीवन सफल होवो॥