निजलीस का गं तू?

निजलीस का गं तू?

जाग ना जरा...

उशावरील आसवे,

टीप ना जरा

व्यस्त दिवसांना कुठे,

यांची काही किंमत?

पण शांत रजनीत,

ते येतात ओझरत

तुझ्या मऊ कुशीत,

निजायचंय मला...

अन् तुझ्या गर्द केसांमध्ये,

सावरायचंय स्वतःला!

त्या डोळ्यांतील चमक बघून...

होतो मी स्तब्ध,

असं बोलतच राहिलो,

अन् आसवांनी गाठला लब्ध

निजलीस का गं तू ?

जाग ना जरा...

उशावरील आसवे,

टीप ना जरा

फक्त स्वप्नापूरती तरी,

ये ना जरा...

उशावरील आसवे,

टीप ना जरा