मोरी भार्या तेजेश्वरी

मोरो मनमा मनमा

तोरी बसीसे मुरत |

चाँद चकोर सारखी

मोठी हासरी सुरत ||१||

नाव तोरो तेजेश्वरी

सेस स्वभावमा तेज |

पर हृदय कोमल

बुद्धी तोरी तरबेज ||२||

तोरो एकच संसार

टुरु पोटू  भरतार |

बड़ी घबराय जासे

कोनी भयातं बिमार ||३||

घरदार   परिवार

फुलवानी जपसेस |

कामसाती दिनभर

यंत्रवानी  राबसेस ||४||

मन मंदिरमा मोरो

तुच बसीसेस रानी |

भयो जीवन साकार

तेजू मोला भेटशानी ||५||

मोरो मनमा मनमा

तोरी मुरत से खरी |

मोरो दिलकी दामिनी

मोरी भार्या तेजेश्वरी ||६||