मी एक शिक्षक

मी एक शिक्षक 

इथं आहेत निराकार दगड

आणि फक्त मातीचे गोळे

द्यायचे आहेत त्याना आकार

घडवायच्या आहेत राम बुद्धाच्या मूर्ती 

कोरायचे आहेत त्यांच्यावर सुसंस्कार 

तेच आहेत देशाचे आधार 

मी एक शिक्षक

पेरायची आहेत मला बीजे

या जमिनीत

जेथून जन्मतील उद्याच वटवृक्ष 

जे देतील प्रत्येक वाटसरुला

सुखशांती व प्रेमाची सावली

मी एक शिक्षक

फुलवायच्या आहेत मला बागा 

जिथे फुलतील फुलेच फुले

जे पसरवतील दाही दिशात 

किर्तीचा सुगंध

मी एक शिक्षक 

आहे माझे एक वचन 

देशासाठी सदैव करेन 

सच्ची पिढी निर्माण