मैत्री

ह्याला ना कसले बंधन

ह्यात ना कसल्या अपेक्षा

ना धन्यवाद ना माफी

नात्यात नाते सुंदर नाते

नाते मैत्रीचे

ना बंधन ना हट्ट

तरीही नात घट्ट

ना अपेक्षा ना रूसवे

ना रूप रंग फसवे

हक्काने द्यावे घ्यावे

हक्क न गाजवता

न मागता बरेच काही

काहीही न मागता

सहजच लुटावे अवघे

नात्यात ह्या

गवसते मोकळीक

ईथेच फक्त

तरीही ओल खोल

मन गाभ्यात

प्रेमात ही शोधतो

म्हणूनच तर मित्र

निर्भेळ हलके फुलके

नात्यात नाते, नाते मैत्रीच