मायबोली पोवारीको करो संवर्धन

बोली छत्तीस कुऱ्याकी

आय आमरी पोवारी |

वैनगंगा  थड़ी  परा

फली फुलीसे या न्यारी ||१||

आमी प्रमार वंशका

सच्चा वीर वारकरी |

वंश जरी एक आय

पर अलग शिदोरी ||२||

नोको तुमी मिसरावो

पोवारीमा वा भोयरी |

मुळ अस्तित्व दुयीको

मिट जाये सब खरी ||३||

करो दुयी बोलीसाती

तुमी अलग लिखान |

रहो  संघटीत पर

नोको एकमा बखान ||४||

करो अलग अलग

रिती रिवाज जतन |

दुयी मायबोली साती

करो अलग सृजन ||५||

मायबोली पोवारीको

करो तुमी संवर्धन |

करं बिनती तुमला

हात जोड गोवर्धन ||६||

(शिदोरी - संस्कृती)