माया

*माया* चिमणीची पिलांवर

घरट्यासी लिंबलोन

मऊमऊ

कपास

ममत्वाची आरास

दुःख झेलले पंखावर

उदात्त उदाहरण *माये*चे

अनाथांवर सिंधुताईंची

छत्रछाया

वरदहस्त

निःस्वार्थ ऋणानुबंधांचा

सावट दूर उदासीनतेचे

आमटे परिवाराचे समर्पण

कुष्ठरोग्यासही लावली

*माया*

संरक्षण

जीवापाड पशुपक्ष्याचें

सेवार्थ फुलवले आनंदवन

निस्वार्थ मातृत्व, दातृत्वाची

संततीप्रती आभाळागत

*माया*

कृतघ्न

मुलांची परतफेड

वाट दाखवी वृद्धाश्रमाची

कित्येक सैनिकांची आहुती

तिरंग्यास सलामी

अजरामर

*माया*

मातृभूमीवर तयांची

दशदिशात अक्षय कीर्ती

मायमातीस फुलविणाऱ्या पोशिंद्याची

आभाळागत *माया*

आबादानी

शिवार

झोपडीला आधार

किमया जादूगार पावसाची

जगण्याचा एकमेव वर्म

परस्पर *माया*

मानवधर्म

सेतू

भविष्य सुखाचा

सूर्य उद्याचा सत्कर्म