माणूसकी दिसणार तरी कुठून
माणूसकी दिसणार तरी कुठून
अरे डोळ्यातले पाणी आटले
अश्रू येणार तरी कुठून
इथे माणसेसुद्धा मुर्दाळ झालीत
माणुसकी दिसणार तरी कुठून
अरे त्या नागड्या मुलाला कपडे द्यायला
किसा रिकामा होता म्हणे
मग बियर बारमध्ये जाऊन पारट्या करायला
पैसा येतो तरी कुठून
इथे माणसेसुद्धा मुर्दाळ झालीत
माणुसकी दिसणार तरी कुठून
अरे त्या चौकामध्ये एका नामर्दान
स्त्रीच्या अंगावर हात टाकला होता
कोणीही तिच्या मदतीला नाही आले
ती मोकळी झाली रडून
इथे माणसेसुद्धा मुर्दाळ झालीत
माणुसकी दिसणार तरी कुठून
अरे दिवसेंदिवस अत्याचार होतात
माझ्या मायलेकींवर
अत्याचार होत असतांना
माझे मर्दगडी का जातात पळून
इथे माणसेसुद्धा मुर्दाळ झालीत
माणुसकी दिसणार तरी कुठून
अरे हातपाय नसलेला अपंग माणूस
मदतीची भिक मांगत होता
पण कुणाकडेच वेळ नव्हता
त्याच्याकडे बघायला वळून
इथे माणसेसुद्धा मुर्दाळ झालीत
माणुसकी दिसणार तरी कुठून
अरे इथल्या सगळ्या माणसांचे मन
स्वार्थाने लोभाने आणि गर्वाने भरले होते
अरे दया करुणा ममता मदत
गेली होती त्यांची मरून
इथे माणसेसुद्धा मुर्दाळ झालीत
माणुसकी दिसणार तरी कुठून