माझी मराठीच हवी
माझी मराठीच हवी
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
37
माझ्या मुलखापासून
दूर दूर मी रहाते
मायबोली ना बोलता
मज उदास गमते
मायबोलीची गं माझ्या
मज आसच लागते,
जणू भेटीलागी येते
माझी मायच वाटते
बहु दिसांनी ऐकते
माझी बोली ही मराठी
वाटे मोकळ्या होतात
सार्या मनातल्या गाठी.
बोली आईची, मायेच्या
गर्भातून ऐकलेली.
जणू निगुतीने शाल
तिने मला पांघरली.
हिंदी-इंग्रजी मिसळ
जणू वाटे भाषा नवी,
पण मला आसपास
माझी मराठीच हवी.