माझी मराठी

कधी पेरूची, कधी आंब्याची फोड वाटते-२

बोलतांना, ऐकतांना माझी मराठी गोड वाटते...

केली भटकंती, हिंदी इंग्रजीची किती जरी-२

घरी परततांना माय मराठीची ओढ वाटते...

व्यक्त होण्यासाठी मराठी, नको भाषा परकी-२

नाही माझ्या मराठीस कुणाची तोड वाटते...

भाग्य आमुचे संत-शुरांच्या भूमीत जन्मलो हे-२

अशा महाराष्ट्रभूमीची मराठी अजोड वाटते

लावावे रोप जिथे तिथे माझिया मराठीचे -२

फुटतील मग मराठीस नवे नवे मोड वाटते...