माझे शब्द...
माझे शब्द...
1 min
7.0K
माझेच शब्द मला वरदान झालेत
होय त्यांनीच मला जीवनदान दिलय
ओसाड या आयुष्यात प्रेमाचा पाऊस
तुझ्या रूपाने दिला
एक वाहणारा झरा
मन भरून बघावा असा
तुझ्या रूपाने दिला
आणि कितीही बघितलं तरी
मन भरणार नाही हे माहीत असून
तुला बघणारा एकटक बघणारा मी
कधी वाटतं सोडावी शब्दांची साथ
छळतात हे शब्द मला
जुन्या जखमा कोरून काढतात
बंड करतील माझ्याच विरोधात
काही सांगता येत नाही
पण त्या शब्दांनीच पूल बांधला
माझ्या मनापासून तुझ्या मनापर्यंत
समुद्र किनारी एकटा असल्यावर
सोबत असतात फक्त माझे शब्द
माझ्या सोबत हसणारे
माझ्या सोबत रडणारे
फक्त माझे हे वेडे शब्द