कुठे हरवले बालपण

भातुकलीचा खेळ आठवला की

आठवते बालपण 

बालपणीच्या गंमतीजमतीने

फुलते किती मनं

आता आठवली आठवण की वाटते किती छान असते बालपण

 

नाही जेवण नाही अभ्यास

ईकडे तिकडे फिरायचे

शाळा बुडवून नुस्तेच चिंचा आवळे तोडून पळायचे

नही कुणाचा धाक

नव्हते कुणाचे दडपण

किती छान असते बालपण

हट्ट असायचा बाबांकडे

आई द्यायची खाऊ

खाऊ लपवताना दादा म्हणायचा

आली आली माऊ

सुटीच्या दिवशी मस्ती मजा 

खेळता खेळता असे भांडण

किती छान असते बालपण

मोटर गाडी खेळणीसाठी बाबां जवळ रडायचे 

नट्टा पट्टा करतांना 

आईचे धपाटे खायचे

तोडफोड पसारा करायला 

नसायचे कुणाचे बंधन

टिकली पावडर लावताना

मस्त हसायचा दर्पण

खरच किती छान असते बालपण