किमया विज्ञानाची...

चल गड्या आज करु सफर विज्ञानाची 

लिंबू मिरची जाळून कास धरु विज्ञानाची IIधृII

एडीसनच्या बल्बने दाखविला प्रकाश

अंतराळ यानानं जवळ आलय आकाश

परंपरा रुढी जपत प्रगती आहे साधायची

देव धर्म संभाळुन भक्ती कर विज्ञानाची II१II

ग्रॅहम बेलच्या फोनने घडवला इतिहास

बबेजचा कंप्युटर सगळ्यांसाठी खास

न्युटनच्या गतीनं वाढेल गती विकासाची

विश्वाच्या निर्मितीला साथ आहे विज्ञानाची II२II

राईटच विमान घेतयं उंच उंच भरारी

इलेक्ट्रॉन प्रोटॉन संगे न्युट्रॉनची सवारी

कमाल पाहु डार्विनच्या सरल जीवसृष्टीची

अणु रेणु एक्स रे अनमोल देण विज्ञानाची II३II

टेलिस्कोपच्या मदतीने ब्रम्हांड फिरु

मारकोनीच्या रेडीओने मनी उमंग भरु

इथे रोज नांदी नव्या नव्या प्रयोगाची

शिकून घेऊ या सारे किमया विज्ञानाची II४II

चल गड्या आज करु सफर विज्ञानाची 

लिंबू मिरची जाळुन कास धरु विज्ञानाची IIधृII