दुरावा

आले होते शहरांमध्ये

मिळवायला भाकरी

भरण्या पोटाची खळगी

सोडून माझ्या मायदेशा!!१!!

हरविले मी स्वत:ला

माणसाच्या गर्दीच्या समुद्रामंदी

इथे पोटापाण्यासाठी जो-तो

रोजच पळतो पैशाच्या मोहापायी!!२!!

आज मिळविला मी पैसा

ऐसपैस गाडी नि बंगला

दारात राबती नोकर-चाकर

पण राहिली दूर माझी ती झोपडी!!३!!

पारखी झाले आज मी

त्या सुखाला जिथं बालपण गेले

मातेच्या मायेच्या पदराला

आज वंचित मी झाले!!४!!