दुनियेला माझ्या या कोणाची नज़र लागली
दुनियेला माझ्या या कोणाची नज़र लागली
पाहता पाहता, सारी पाखरे उडु लागली,
न जाने दुनियेला माझ्या, या कोणाची नज़र लागली !
चहाच्या कपांप्रमाणे जमनारी ती माणसांची गर्दी ,
न जाने कोणत्या दिशेला निघून गेली !
ओसाड अमृततुल्ले, पहाटेचि वाट बघू लागली,
न जाने दुनियेला माझ्या, या कोणाची नज़र लागली !
डोक्यावर ओझी घेऊन जाणारे, ते छोटे छोटे पाय,
परिस्थितीच्या विशानुचे, मोठे डंक सहत जाय !
थिएटर समोरची गर्दी आता, राशन वाटणाऱ्या ट्रक समोर दाटली,
न जाने दुनियेला माझ्या, या कोणाची नज़र लागली !
शाळेत जाणारी पानीपुरी, वडापाव खानारी, ती मुले कुठे हरवली,
गरिबांची घर दार सोडून गेली, तर श्रीमंताची ऑनलाइन क्लास मधे रमवली !
असून सगळी सामग्री, कुणाला व्यंजने नाही जमली,
तर काही लोकांच्या घरात, खिचड़ी तेलाशिवाय शिजली !
लक्षात ठेवतील, झोपड़ीआड़ दडलेली ती कोवळी मने, दुनिया त्यांच्यासोबत कशी वागली
न जाने दुनियेला माझ्या, या कोणाची नज़र लागली !
कालचक्रने जणू , घड्याळेच बंद करून टाकली,
काय गरजेच आहे अणि काय नाही, हे द्वंदे मनात वाजली !
या काळात माणस प्राण्या प्रमाणे अणि प्राणी माणसाप्रमाणे वागली
कुणाला विशानुची, कुणाला धंद्यांची, कुणाला पैशाची कुणाला भूकेचि तर कुणाला एकटेपणाची भीति वाटू लागली,
न जाने दुनियेला माझ्या, या कोणाची नज़र लागली
काही जीवाणी, अशी रस्त्यात माने टाकली,
देशाची अर्थव्यवस्था, जणू कोलमडून वाकली !
पदवीधर झालेल्या पिढीला, नौकरी ची चिंता ग्रासली
न जाने दुनियेला माझ्या, या कोणाची नज़र लागली !
इथे प्रत्येक जन, आपला लढा लढतोय,
जगण्याचे अणि जगवण्याचे , मार्ग नवे शोधतोय !
जरी सावरणयात या कठिन समयी, उणीव थोड़ी राहिली
रस्त्याच्या कडेने, पाणी अणि जेवण वाढणाऱ्या लोकांमधे, माणुसकी मी पाहिली !
सुन्न ती बाजार पेठ , भीति पोटी होती झाकली,
न जाने दुनियेला माझ्या या कोणाची नज़र लागली !
घर काम करणाऱ्या मावशीला, कामावर जाता आल नाही
पण मलकिनीने पगार देऊन, नैतिकतेच भान दाखवल काही !
परदेशातली पाखरे, कधी नव्हे ती स्वदेशी साठली,
पानी पूरी वाल्या भैयाला, मराठी भावाची मदत लाभली !
कुतूहल इतके आभाळी दाटले, घेण्या वर्दी पृथ्वीची, पावसाने वर्दी लावली,
न जाने दुनियेला माझ्या, या कोणाची नज़र लागली !
मला विश्वास आहे माणूसकीवर , एक दिवस सगळं ठीक होऊन जाईल,
ही वेळ खुप काही शिकवून जाईल,
या पिढीवर संस्कार घडवून जाईल,
आठवणींमधे हा काळ, सदैव आमच्या राहिल !
सांगू कधी, गोड़ कडु अनुभवांची, मेजवानी कशी चाखली,
न जाने दुनियेला माझ्या, या कोणाची नज़र लागली !!