देवा तुला भेटायला यायचं होतं

देवा तुला भेटाला यायचं होतं

पण तुझं दर्शन आता ऑनलाइन बुकिंग करावे लागते

तुला डोळे भरून पाहण्यासाठी

तुझी वेळ घ्यावी लागते

देवा तू खूप दूर दूर असतो

म्हणून तुझ्यापर्यंत येणं होत नाही

तुझे दर्शन आता पहिल्यासारखं घेता येत नाही

तुला हात जोडायलाही खूप पैसे मोजावे लागतात

तुझ्या नावाने प्रत्येकजण पैसेच मागतात

तासनतास रांगेत उभे राहूनही

तुझी खूप वाट पाहावी लागते

प्रसाद घ्यायचा असला तरी

दक्षिणा द्यावी लागते

तुझ्या नावाने सारेच कसे पैसे मागत असतात

दानधर्माच्या नावाने कोणालाही लुटताना दिसतात

देवभक्त तुझ्या गाभाऱ्यात यायलाही 

तिकीट काढून उभाच राहतो असतो

मंत्री, अधिकारी, व्हिआयपीला

मागच्या दारून प्रवेश मिळतो

देवा तू पैशाचा नाही

फक्त भावभक्तीचा भुकेला आहे

म्हणून

रेटत राटत गर्दीतून वाट काढीत

कसेतरी तुझ्यापर्यंत पोहचतात

तुला डोळेभरून पाहून

तुझ्यापुढे नतमस्तक होतात

पण देवा कुठे काय चाललंय

हे तुला माहित नाही

असे मुळीच नाही

पण तू ऑनलाइन असल्यामुळे

तुझेही काही चालत नाही

काळे-गोरे दिसू नये म्हणून

तुला अंधारात ठेवला आहे

देवदर्शनाचा नुसताच बाजार मांडला आहे

खूप खूप गर्दी असूनही

तुझ्यावरची श्रद्धा काही

कमी होत नसते

तुला हात जोडल्याशिवाय कुणाचीही यात्रा पूर्ण होत नसते