लाइब्रेरी
प्रोफाइल
चाहूल थंडीची
चाहूल थंडीची
1 min
299
आली चाहूल थंडीची
काढा रजयी चादर
आरोग्याला रे पोषक
बाजरीची हो भाकर....!!
कुणी शेकोटी पेटवा
करू शरीर गरम
लाडू मेथीचे रे गोड
पोळी खाऊ या नरम....!!
आली चाहूल थंडीची
शेंगा,आवळा व बोरं
चिंचा लकडल्या खूप
दगड मारती पोरं......!!
आली चाहूल थंडीची
ऊस, हरभरा खाऊ
गोधडीत आजीच्या रे
चला झोपाया रे जाऊ....!!
आली चाहूल थंडीची
थोडे व्यायाम ही करु
जपू आरोग्याला सारे
दूर कंटाळाला सारू.....!!
