बरे तुकोबा
बरे तुकोबा
कापले डोंगर । झाल्या नद्या वांझ
भास्करा न् सांज। आज येथे
तिमिर छाटण्या । राती न् झोपल्या
पणत्या खपल्या । तम तरी
विझलेले मन । नितीही बेभान
अन्यायाचे रान । कोण जाळी?
जाळलेले सत्व । शिथिल अस्तित्व
वायफळ तत्व। अनमोल
झोल आकाशाचा । तोल सागराचा
रोल माणसाचा । तोलहीन
सगळेच झोल । आहे मातीमोल
अदम्यच फोल । संस्कृतीही
लांडगे लिहीती। येथे शैार्यगाथा
हरिणाची व्यथा । मुक मुक
श्वासाचा वास । जिण्याचा त्रास
मातीचाही वास । खास नाही
भ्रामकच सारं । भ्रमिती भासही
भ्रष्ट सत्यासही । भास नाही
इमाना कै लाज । लुच्चांचा आदर्श
खर्याचाही स्पर्श । होवू नये
स्विकारले नाही । जीवन इथले
आज जे जगले । जिणं नाही
जीवांच्याही जाती । माणसांची नाती
कोणाच्या हाती । कोण आहे
माणुसकी सोंग । बोभाटा मान
खोट्यांची खाण । खानदानी
बरे तुकोबा तु । मेलास रे आधी
माणसे न् साधी । तुजसम
विजा म्हणे तुला। आठवत नाही
विसरलो नाही । आठवण्या