बल्ल्या

मला गोट्या खेळायचा भलता नाद

गोटयासाठी अनेकदा व्हायचे वाद

शाळेत जातानाच

मारुतीच्या साक्षीनं

आम्ही मांडणार गोट्यांचा डाव...

दहा-वीस खेळता-खेळता

डाव रंगत जायचा कहरच व्हायचा....

राजा-राणी खेळताना तर

कहरच व्हायचा...

मग आम्ही रिंगण खेळणार

हंटरसारखा आदलून बदलून

सारखं बघणार...

या 'हार-जीत'च्या खेळात

शाळा कधी भरली...

कधी सुटली....

अन् आयुष्यात रंगलेल्या डावात

कधी बल्ल्या झाला

अजून कळलं नाही...