भाऊ

आम्ही दोघे सख्खे भाऊ

एका घरची भाकर खाऊ

काम धाम करता करता

दुजाभाव विसरून जाऊ

आम्ही दोघे सख्खे भाऊ 

चुलतीच्या घरी डोकावुन पाहू 

क्षणात तिच्या तोंडून 

दोन चार शिव्या खाऊ

आम्ही दोघे सख्खे भाऊ

भावकीसोबत एकजुटीने राहू 

फिरता फिरता गावामध्ये 

जय जिजाऊ घालीत जाऊ

आम्ही दोघे सख्खे भाऊ 

नातलगांना साथ देऊ 

जाता जाता त्यांच्या घरी

शिदोरीचे लाडू नेऊ

आम्ही दोघे सख्खे भाऊ

क्षणोक्षणी आनंदाने राहू 

वैरीपणाचे विचार सोडून 

चांगले काही करीत जाऊ