बैल पोळा

आला आला बैल पोळा

चला साजरा करू थाटामाटात

माझ्या सर्जा राजाचा सन आला

आनंदाने नाचत

सजल सार गांव पंढरपूर नगरी

राजा परी सजले ढवड्या पावड्या माझे

अंगावर नक्षीदार झुलि रंगी बेरंगी रंगांनी रंगले

सजले सारे बैल आनंदाने नाचले

गावं सार रे जमलं देवळाच्या चौथूऱ्याशी 

पाहण्यास देखणी डौलदार जोडी

ढोल ताशांच्या गजरात शंकराचे पोवाडे रंगले

तोरण तोडण्यास सारे बैल आनंदाने सुटले

कसा फेडू रे बैला, तुमचं हे देणं 

बळीराजासाठी काबाड कष्ट करण

सर्ज्या तुमच्यासाठी रे नैवद्य पुरणाची पोळी

लाडाने भरविते आनंदाने आई माझी

आला आला बैल पोळा

चला साजरा करू थाटामाटात

माझ्या सर्जा राजाचा सन आला

आनंदाने नाचत