बाप
बाप
Date: 10 May 2019
*विषय-बाप माझा*
नाव पांडुरंग । देवाचे ठेवीले ।
नवसा पावले । विठ्ठलच ॥
बाप माझा फार। शुध्द आचरण ।
निर्मळ रे मन। सदाचिया ॥
सत्याची जाणीव । विवेकी विचार ।
ना कधी लाचार । झाले कधी॥
पेहराव छान । शुभ्र हो धोतर ।
मिशा पिळदार । हसतच॥
मुखी नाम सदा। पांडुरंग हरी।
असे वारकरी । पंढरीचे ॥
सत्याची जाणीव । मदतीचा हात।
सदैव कामात । राहतसे ॥
बाप शेतकरी । कष्टाची भाकरी ।
पांडुरंग हरी। बोलतसे ॥
आले हो भरून ।हरवली छाया ।
बापाची गं माया । माझ्यावर ॥
संस्काराची खाण । माणूसकी वाण ।
शंभरी हो नाणं । बाप माझा॥
कवयित्री कु.मिनाक्षी पांडुरंग नागराळे, वाशिम
*स्पर्धेसाठी अभंग*