अभिजात मराठीचे निवेदन

अभिजात दर्जा मिळावा

आपुल्या मराठीस 

म्हणून झगडती इतकी वर्ष

सारी मराठी माणसं ||१||

अभिजात दर्जा मिळवण्यासाठी

लागती निकष चार

सर्वगुण संपन्न असे

तरी दर्जा कधी मिळणार? ||२||

असावी भाषा सर्वश्रेष्ठ

नको नक्कल दुसऱ्या भाषेची

प्राचीन असणे आवश्यक

त्याचबरोबर प्रवाही ||३||

एकनाथ ज्ञानोबांनी लिहिले ग्रंथ

वारसा चालविला कुसुमाग्रजांनी

आपुली मराठी असे सर्वश्रेष्ठ

केला पूर्ण पहिला निकष आत्मविश्वासाने ||४||

प्रसार करण्या बौद्ध धर्माचा

होते मराठी भाषिक

उल्लेख असा बौद्ध धर्मग्रंथात

बावीसशे वर्षा पूर्वीचा पुरावा सांगे आहे भाषा प्राचीन ||५||

डॉक्टरेट संशोधनात सांगती मायकेल व्हिक्झेल 

संस्कृत लागते मावशी मराठीची

वैदिक पूर्व बोली भाषा असे आई

सांगे हा पुरावा नाही नक्कल मराठी कोणाची ||६||

बदल होत गेले काळानुरूप

प्राचीन ते कलियुगीन बोलीभाषेत

तरी असे नाते टिकून त्यांचे

पुरावा हा सांगे प्रवाहीपणा बोलीभाषेत ||७||

अभिजात मराठीचे निकष सारे

करते मराठी पूर्ण ते

भारत सरकारला निवेदन एकच

अभिजात भाषेचा दर्जा मिळू दे ||८||